Pumanaw na si dating Commission on Elections commissioner Vicente De Lima nitong Lunes ng hapon. Siya ang ama ni Justice Secretary at Supreme Court Chief Justice candidate Leila de Lima.

 

82 taong gulang si Vicente De Lima.

 

Sa panayam ng GMA News Online nitong Lunes, kinumpirma ni Lyn Atencio, secretary ni De Lima, ang pagpanaw. Ayon sa kanya, pumanaw ang nakatatandang De Lima nitong 2:30 ng hapon.

 

Nakaranas ng sakit na colon cancer si Vicente De Lima. Nagsilbi siyang Comelec Commissioner noong 1992 hanggang 1994, noong administrasyon ni dating Pangulong Fidel V. Ramos.

 

Nagliban sa trabaho si Justice Secretary nitong kalagitnaan ng Hulyo upang tulungan at makasama ang kanyang ama sa Bicol. Sa kabila nito, dumalo siya sa State of the Nation Address ng Pangulo sa Quezon City nitong Hulyo 23. — Mandy Fernandez/DVM, GMA News