Shooting ng pelikula tungkol sa buhay ni Pedro Calungsod, sinimulan na sa Cebu

Sinimulan na ang shooting sa pagsasapelikula ng buhay ni Blessed Pedro Calungsod sa Barili, Cebu. Sa ulat ng GMA News TVs Balita Pilipinas Ngayon, sinabing tiniyak ng mga taong nasa likod ng pelikula na tama ang mga detalye tungkol sa buhay ng Visayan martyr. Ipakikita umano sa pelikula ang pagiging huwaran ni Pedro Calunsod lalo na sa mga kabataan. Tatagal ng isang oras at 40 minuto ang ginagawang pelikula na posibleng mapanood sa mga sinehan. Gayunman, ipalalabas ang pinaigsing bersiyon ng pelikula bago canonization ni Pedro Calunsod sa Oktubre. - FRJ, GMA News