Protégé mentors na sina Phillip Salvador at Roderick Paulate, nagkakainitan na rin

Lalong tumitindi ang labanan sa Protégé: The Battle For The Big Artista Break. Bukod sa mga contestant, nagkakainitan na rin ang kanilang mga mentor. Sa Chika Minute ng GMA news 24 Oras nitong Martes, sinabing hindi nagkakasundo sina Mindanao mentor Phillip Salvador at Mega Manila mentor Roderick Paulate sa performance na gagawin ng kanilang mga protégé. Pinagpapares kasi ang kani-kanilang protégés para sa duo performance challenge. May suggestion si Roderick para sa performance ng kanilang mga protege pero hindi pabor dito si Phillip. Samantala, handa naman daw ang protégé na si Bryan Benedict na kausapin ang ama ng protege na si Shelly Hipolito na kanyang itinatangi. Tutukan ang Protégé: The Battle For The Big Artista Break at alamin makikilala na nga ba ni Bryan ang ama ni Shelly. - FRJimenez, GMA News