May pag-asa pa ring mapanalunan ang isa sa pinakamalaking jackpot prize ng 6/55 Grand Lotto ng Philippine Charity Sweepstakes Office (PCSO) matapos walang makakuha sa winning combination sa draw nitong Miyerkules, Setyembre 5.

Sa 6/55 draw nitong Miyerkules ng gabi na ipinalabas sa PTV-4, ang lumitaw na winning combination ay 16-20-28-08-27-51. Umabot ang jackpot prize sa P219.795 milyon.

Huling napanalunan ang jackpot prize sa 6/55 draw noong July 4 na umabot ang pa-premyo sa P163.921 milyon.

Ang pinakamalaking papremyo sa Grand Lotto 6/55 ay umabot sa P741 milyon na tinamaan ng isang 60-anyos na balikbayan na tumaya sa Olongapo City noong Disyembre 2010.

Samantala, wala ring nanalo sa 6/45 draw nitong Miyerkules, Sept. 5. Ang winning combination sa draw ay 25-17-06-42-09-14, na may papremyong P7.940 milyon. — FRJimenez, GMA News