Mahigit P246-M jackpot prize sa Grand Lotto 6/55, may pag-asa pang mapanalunan

Hindi pa rin tinamaan nitong Sabado, Setyembre 8, winning combination sa 6/55 Grand Lotto ng Philippine Charity Sweepstakes Office (PCSO). Sa 6/55 draw na ipinalabas sa PTV-4, ang lumitaw na winning combination ay 40-18-29-45-27-01. Umabot ang jackpot prize sa P246.984 milyon. Ang pinakamalaking papremyo sa Grand Lotto 6/55 ay umabot sa P741 milyon na tinamaan ng isang 60-anyos na balikbayan na tumaya sa Olongapo City noong Disyembre 2010. Wala ring nanalo sa 6/42 draw nitong Sabado, Sept. 8. Ang winning combination sa naturang draw ay 25-35-03-07-27-24, na may papremyong P6.979 milyon. — FRJimenez, GMA News