Lapu-lapu na halos kasing laki ng tao, nalambat sa Eastern Samar

Isang higanteng lapu-lapu na halos kasing laki na umano ng tao ang nalambat ng mga mangingisda sa Borongan, Eastern Samar. Sa ulat ni Lei Alvis sa 24 Oras nitong Martes, sinabing ikinuwento ng YouScooper na si Paul Osita na ang isda ay may bigat na 200 kilo. Sa sobrang laki umano ng isda, nasira ang lambat ng mga mangingisda nang mahuli ito. Pero sulit naman daw ang hirap dahil nabili sa palengke ang isda sa halagang P15,000. – FRJ, GMA News