Zsa Zsa Padilla, maagang binisita ang puntod ni Dolphy

Maagang binisita ng singer-actress na si Zsa Zsa Padilla ang puntod ng kanyang yumaong life partner na si Dolphy Quizon sa Heritage Park, Taguig City. Kasama ng Divine Diva na bumisita sa puntod ng comedy kung ang anak nilang si Zia Quizon, ayon sa ulat ni Luane Dy sa Balitanghali nitong Miyerkues, Ang puntod ni Dolphy ay napapalibutan ng mga puting bulaklak na sinasabing paboritong kulay ng hari ng komedya. Ayon kay Zsa Zsa, labis niyang nami-miss si Dolphy na pumanaw noong Hulyo sa ospital dahil sa karamdaman. Natutuwa naman si Zsa Zsa na maraming dumadalaw sa puntod ni Dolphy kaya naman naglagay na sila ng tent sa lugar para na rin sa mga bibisitang tao. - Mac Macapendeg/FRJ, GMA News