Boy Panga at Elastik Man sa Best Men

BOY PANGA AT ELASTIK MAN BEST MEN Airing date: December 10, 2012 Sa ikalawang yugto ng aming "Super Na, Bestmen Pa" episode, tampok namin ang isang lalaking mala bakal ang tibay at tigas ng ngipin at panga at isang lalaking super fantastic sa pagka elastic dahil sa kaniyang mala lastikman na lambot ng katawan! Bakit nga ba may mga lalaking nabiyayaan ng ganitong pambihirang kakayahan? Paano ito maipapaliwanag ng syensiya? Ginagamit ang ating ngipin at panga para sa pagkagat at pagnguya ng pagkain pero ang super Best Men na si Bobby, matindi ang kakayahan!  Akalain mong sa lakas ng kanyang mga ngipin at panga, kaya raw niyang humatak ng van na may sakay pang mga pasahero! Talaga namang nakakamangha ang kanyang abilidad kaya binansagan siyang Boy Panga! Pero bukod kay Boy Panga, magpapakitang gilas din si Elastik Man na sing-lambot ng goma ang katawan! Sa sobrang flexible ni Joseph, kaya niyang pumilipit at ipasok ang sarili sa loob ng isang maleta! Hindi pangkaraniwan sa isang lalaki ang ganitong kakayahan kaya't palaisipan ito maging sa mga eksperto! At papahuli ba naman si Jun V at RJ kasama pa ang isang magandang dilag na celebrity guest na si Karen De los Reyes sa mga makapigil hiningang challenge na naghihintay sa kanila? Sino sa tatlo ang magwawagi sa mga challenge na susubikin ang kanilang flexibility at lakas ng katawan? Best Men na, Super pa! Kilalanin natin ang dalawang bagong kabilib-bilib na Best Men at ang kasagutan sa likod ng kanilang mga di pangkaraniwang abilidad! Ngayong Lunes na sa Best Men, 10:30 ng gabi sa GMA News TV Channel 11! The Best ang Monday, dahil ito ay Best Men day!