Jessica Sanchez, magko-concert sa Pilipinas sa Pebrero 2013

Magkakaroon ng concert ang "American Idol"  Season 11 runner-up na si Jessica Sanchez sa Pilipinas ngayong Pebrero 14, 2013. Gaganapin ang kanyang one-night concert sa Smart Araneta Coliseum kasama ang kanyang co-AI finalist na si Colton Dixon bilang special guest. Ang nasabing concert ay ikinumpirma sa GMA News Online ni Oscar San Pedro ng Ovation Productions. Nauna nang nagtanghal ang Filipina-American singer sa bansa noong Setyembre 2012 para sa American Idol World Tour. - VVP, GMA News