Army: 2 miyembro ng CAFGU, patay sa pagsalakay ng mga armadong lalaki sa Davao Sur

Patay ang dalawang miyembro ng Citizens Armed Forces Geographical Unit sa magkasunod pag-atake ng hindi pa nakikilalang mga armadong grupo sa isang bayan sa Davao del Sur noong Martes. Sa pahayag ng 1002nd Brigade ng Philippine Army na pindala sa GMA News Online nitong Miyerkules, sinabi ni Captain William Alfred Rodriguez na inatake ng isang armadong grupo ang Bongmal Patrol Base ng militar sa Sitio Gumiket Ayem Bongmal, Barangay Kimlawis, Kiblawan, madaling araw noong Martes, at napatay ang (CAFGU Active Auxiliary) CAA member na si Arnel Remotigue. Kinahapunan ng Martes, bigla na lang umanong pinagbabaril ng "snipers" ang grupo ni Captain Joel Wayawag, commander ng Task Fotrce KITACO, habang kinukuha nila ang bangkay ni CAA Remotigue. Agad naman umanong napatay ng sniper ang isa pang CAFGU member na kinilalang si Reynaldo Templa. Kasalukuyang nasa Collado Funeral Homes ang mga bangkay nina Remotigue at Templa, ayon kay Rodriguez. "The incidents are indications of the strong presence of lawless armed groups (LAG) who may have the access to communities around the area as their safe havens. Said LAG impedes the peace and development so far gained by the people of Bongmal. Pursuit operations are being conducted to bring the perpetrators to justice," ayon sa pahayag ni Rodriguez. “The two incidents were very unfortunate for our personnel and their families. We will extend any possible assistance to their families while we seek to give justice to their death. "Despite the recent attacks, our soldiers will continue to uphold their mandate of serving the people and securing the land against lawless armed groups who deliberately aim to destabilize the peace and security in the area,” ayon naman sa hiwalay na pahayag ni Colonel Norman Marcos Flores Jr, commander ng 1002nd Army Brigade. — LBG, GMA News