Psy Mania in Manila sa 'Kapuso Mo, Jessica Soho'

Kapuso Mo, Jessica Soho Airing Date: February 17, 2013 PSY MANIA Sa linggong ito, magcoconcert sa Pilipinas ang kumanta ng worldwide phenomenon na Oppa Gangnam Style --- ang Koreanong si Psy! Kilalanin nating maigi ang ngayo'y international superstar na nagpaindak sa buong mundo. SO LONG, LOLONG Dati halos isumpa ng mga taga-Bunawan, Agusan del Sur si Lolong, ang pinakamalaking Saltwater Crocodile sa buong mundo, dahil sa banta nito sa kanila. Ngunit sa pagkamatay ng higanteng buwaya, nagluksa ang buong probinsya.  Ano nga ba ang ikinamatay ni Lolong? Sa probinsya naman ng San Mariano, Isabela saksihan kung papaanong nakikisama ang mga tao sa mga gumagalang buwaya sa kanilang lugar na bumibilang na ng 50! SEÑOR STO. NIÑO DE ROMBLON Himalang maituturing na makalipas ang dalawampu't dalawang taon, natagpuan ang nawawalang 400-taong imahen ng Sto. Niño de Romblon. Ang mga taga-Romblon, nagpyesta sa pagsalubong sa diumano'y milagrosong rebulto. SOSY FISHY Ngayong panahon ng Kuwaresma, bilang pag-aayuno, may ilan na isda ang kinakain.  Tikman natin ang mga natatanging isda na ang presyo, mala-ginto! DOODLE IT Doodle ang tawag sa mga simple at freestyle na paraan ng pagguhit. Noon sa mga papel at notebook lang natin ito makikita.  Pero ngayon nauuso na rin itong disenyo sa mga dingding, sapatos at furniture. Sumali sa makabuluhang kwentuhan ngayong Linggo sa "Kapuso Mo, Jessica Soho," 7:45 PM sa GMA-7!