Magbibigay-pugay ng 'Sports Pilipinas' kay 'His Airness' Michael Jordan ngayong Linggo

ONE-ON-ONE: MARC PINGRIS
Isa na namang versatile big man ang ating tututukan ngayong linggo. Kasama sa pinagpipilian para maging player ng ating National Team - ang half-French at half-Filipino PBA forward na si Marc Pingris, na nakapanayam ni Chino Trinidad tungkol sa kanyang professional at private life sa aming One-On-One.
 
MICHAEL JORDAN: THE GREATEST
Pagdating sa basketball siya ang tunay na G.O.A.T - the Greatest of All Time. Magbibigay pugay ang Sports Pilipinas kay Michael Jordan sa kaniyang ika-50 kaarawan. Nakapanayam namin ang ilan sa mapalad na mga Pinoy na nakapanood at nakapanayam ang "His Airness" noong naglalaro pa siya! Aalamin ang legacy ni Michael Jordan sa larangan ng basketball dito sa Pilipinas.
 
HOT AIR BALLOON FIESTA SA CLARK

Hindi lang masasarap na pagkain tuwing pista ang puntahan sa Culinary Capital ng Pilipinas - ang Pampanga. Dahil tuwing Pebrero dinarayo sila para saksihan ang mga higanteng hot air balloons at iba pang high-flying aerial exhibitions na pumaparada sa kalangitan! Ito ang 2013 Hot Air Balloon Fiesta!

 

DRAGONBOAT NA P.E. CLASS?

Kung mamimili tayo ng sport sa P.E. marahil marami sa atin ang sure ball na pipiliin basketball sa lalaki o volleyball naman para sa babae. Pero huwag ka dahil sa isang iskwelahan sa Iloilo hindi basketball o volleyball ang priority... Kundi Dragonboat!


Lahat ng 'yan, mapapanood ngayong Linggo ng 11:15 AM sa GMA News TV.