Tax evasion case shocks Solenn Heussaff

  Ikinagulat ni Solenn Heussaff ang P3.6-million tax evasion case na isinampa laban sa kanya ng Bureau of Internal Revenue (BIR) ngayong Huwebes, Abril 4. “I was shocked when I found about this,” sabi ni Solenn sa kanyang Twitter account (solennheussaff) ngayong gabi. Ayon sa BIR, hindi tama ang idineklarang tax returns ng model-actress noong 2011, kung saan sinabi ni Solenn na ang kanyang gross income ay 6.73 million pesos at taxable income na 3.3 million pesos. “Heussaff's underdeclaration is more than 30 percent and is prima facie evidence of fraud.” Ani Solenn, mayroon siyang pinagkatiwalaan na tao na siyang mag-aasikaso ng pagbabayad ng kanyang buwis. “I’ve been assured all along by people I have entrusted my financial matters to that everything was being handled correctly.” Giit pa niya, “That is how I and my siblings were brought up by our parents – to always be correct in all our dealings.” Kaya naman daw sisiguraduhin niyang maimbistegahan ang bagay na ito sa lalong madaling panahon. Ayon sa BIR, nagdeklara ng P6.73 milyong gross income si Solenn sa kanyang 2011 income tax return, at taxable income na P3.3 milyon para sa nasabing taon.   Ngunit batay umano sa mga tseke mula sa kanyang mga kliyente at pinagtrabahuan -- kabilang na ang GMA Network, San Miguel Brewery Inc., Ginebra San Miguel, Penshoppe at Tape Inc., napag-alamang kumita siya ng kabuuang P13.39 milyon noong 2011.   Idinagdag ng BIR na ang deficiency tax liability ng aktres ay aabot sa P3.6 milyon, kabilang na ang surcharge at interest. -- Joyce Jimenez, PEP