Back-to-school gadgets, hahanapin ng 'Pop Talk'

POP TALK
Back-to-School Gadgets
Airing Date: May 28, 2013
 
Ngayong pasukan, tiyak na kanya-kanyang pabidahan na naman ang marami ng newest gadget na kanilang kinatutuwaan. Kaya naghanap ang Pop Talk ng tatlong cool gadgets na perfect pam-back-to-school na fun at functional. Aalamin natin kung karapat-dapat ba itong pag-ipunan!





Kasama sa tatlong gadgets na ating rerebyuhin ang Lenovo S800, ang kauna-unahang celphone sa Pilipinas na may transparent screen. Pupurbahan rin ang Sony Xperia Tablet Z, ang super slim at waterproof tablet, at ang Ultimate Watch na hindi lang relo, phone pa!


 
Makakasama ni Tonipet Gaba sa pagrerebyu ang guest expert reviewer na founder ng Gadget Pilipinas na si Gian Viterbo.  Makibutingting rin ang college student na si Ervin Bermejo, at pati ang celebrity reviewer na gadget lover din na si Janine Gutierrez. Huhusgahan nila ang tatlong back-to-school gadgets base sa criteria na ‘fun factor, design and features at value for money’.

Alamin kung anong gadget ang tatabo sa pop points ngayong Martes sa ‘Pop Talk: Back-to-School Gadgets,’ 10 PM sa GMA NewsTV!