4 na bagong cast member ng 'Glee', enjoy daw sa pananatili sa bansa

Nasa bansa ngayon ang apat na bagong cast member ng American hit musical tv series na "Glee." Sa ulat ng Balitanghali nitong Sabado, sinabing nag-e-enjoy daw sa pananatili sa bansa sina Melissa Benoist, Jacob Artist, Dean Geyer at Becca Tobin. Nais daw ng apat na matikman ang mga pagkaing Pinoy. Nagpahayag din sila ng paghanga sa mga Pinoy pagdating sa pag-awit. Kabilang daw sa kanilang idolo sina Charice at Jessica Sanchez. -- FRJ, GMA News