Team Tween Hearts ni Jennylyn Mercado, nanalo sa pilot episode ng Sunday All Stars

Nagwagi ang "Tween Hearts" group na pinamumunuhan ng Kapuso star na si Jennylyn Mercado sa pilot episode ng bagong Sunday variety at game show na "Sunday All Stars." Umere ang episode nitong Linggo, Hunyo 16.

Ang grupo ay binubuo nina Andrea Torres, Max Collins, Rocco Nacino, Maricris Garcia, Ruru Madrid, Sef Cadayona, Yassi Pressman, Julie Anne San Jose, at Sexbomb dancers.

Gayundin, tinanghal naman ang itinaguriang "Bad Boy on the Dancefloor" na si Mark Herras bilang Best Performer sa naturang episode. Kabilang siya sa "Tropang Trending" na pinamumunuhan ni Mark Bautista.

Bukod pa rito, naging trending topic sa Pilipinas sa microblogging site na Twitter ang hashtag na #SundayAllStarsLaunch nitong Linggo.

Mapapanood ang Sunday All Stars tuwing Linggo sa GMA-7. — Mac Macapendeg/BM, GMA News