'Midnight Snack' segment ni Mikael Daez sa 'Saksi,' nagsimula na

Nagsimula na nitong Lunes ang "Midnight Snack," ang limang-minutong food trip segment ni Mikael Daez na mapapanood gabi-gabi sa GMA Network news program na Saksi. Gayundin, excited na ang aktor na tikman ang iba't ibang putahe sa Pilipinas. Bukod pa rito, hindi lamang tiyan ng mga manonood ang bubusugin ng aktor kundi maging ang kaalaman ng mga ito. Ayon sa ulat ng Chika Minute ng 24 Oras noong Lunes, gabi-gabi ay ibabahagi ni Mikael ang kasaysayan ng isang putahe at ang kahalagahan nito sa ating kulturang Pilipino. Samantala, magsisimula naman sa susunod na Lunes ang pinagbibidahan niyang romantic-comedy morning teleserye na "With A Smile." Kasama niya rito ang bagong Kapuso na si Christian Bautista at ang aktres na si Andrea Torres. — Mac Macapendeg/BM, GMA News