The 'Biyahe ni Drew' road trip series: Eco-adventures in Subic

BIYAHE NI DREW: SUBIC
BIYERNES, 21 JUNE, 10-11PM, GMA NEWS TV
 
Sa Biyernes, it’s all about family bonding as Biyahe ni Drew goes to Subic, Zambales!
 
Less than 3,000 pesos per person ang budget ni Drew, kaya naman susuyurin niya ang Subic para sa mga mura pero may magandang kalidad na hotels, restaurants and adventure venues! 
 
Sa Subic Treetop Adventure, susubukan ni Drew ang Canopy Walk, Superman Ride, Trekking, Tree Drop Adventure at Jungle Survival Demo. Pero sa Parachute Fall masusubok ang tapang at tibay ng loob niya. Sa Jungle Environmental Survival Training Camp o JEST Camp naman, sasakyan ni Drew ang Goliath’s Swing, isang nakakalulang ride na nakatapat pa sa bangin! Pero para kay Drew, ang Jungle Survival Demo ang talagang magugustuhan ng mga tsikiting. Bukod kasi sa magandang learning experience ito, matututo pa sila ng basic survival skills tulad ng paggawa ng apoy.
  
Kapag mga tsikiting ang pinag-usapan, hindi dapat mawala sa listahan ang mga theme parks. Sa Ocean Adventure, sisilipin ni Drew ang mga feature show  tulad ng “Walk on the Wild Side Show!” at Sea Lion Show.  Pawang mga trained animals ang performers na tiyak magugustuhan ng mga bata.  Sa Ocean Discovery Aquarium naman, tampok ang mga sea creatures sa kanilang gahiganteng aquarium. Pero ang highlight ng pagbisita ni Biyahero Drew, ang kaniyang beach encounter with the dolphins!
 
Sa Zoobic Safari, makakaharap ni Drew at pakakainin pa ang mga siga ng kagubatan—ang mga leon at tigre! Pero kung gusto nyo ng libre, rekomendado ni Drew ang Monkey Trail sa Naval Magazine Area kung saan pwede n’yong abangan ang mga unggoy na naninirahan sa kagubatan ng Subic.

Matapos ang good fun, good eats naman! Sa The Coffee Shop Restaurant, oorder si Drew ng Jumbo Tacos na sa sobrang laki ay pwedeng pagsaluhan ng dalawang tao. Sa halagang 95 pesos, talagang sulit! Sa Rico’s naman, patok sa mga pamilya ang 125 peso-buffet nila! Bukod diyan, specialty din nila ang mikki bihon at bagnet ensalada.
 
Sama na sa Biyahe ni Drew sa Biyernes, 10PM sa GMA News TV.