Kabataan sa Region 11 midagsa sa SK registration

Katapusang adlaw karon sa registration alang sa barangay ug Sangguniang Kabataan (SK) elections, apan naghuot pa gihapon ang mga niparehistro karong adlaw nga Martes. Nipasalig hinoon ang Cocomelec on Elections (Comelec) nga maipalista ang tanan bisan pa og mabuntagan. Apan wala kalikay ang Comelec sa mga reklamo gikan sa mga midagsang gatusan ka mga rehistrante bisan kung nipasalig kini nga mapalista gyud tanan. Bisan sa limitadong capturing machine sa Comelec kaganiha lamang sa District 3, 800 ka priority numbers ang unang gipanghatag. Subay usab sa resolusyon sa national office sa Comelec, duna na’y lugway nga gihatag alang sa mga rehistrante sa SK election petsa-4 ug 5 sa Agusto kwatro, ug pagahimuon na kini ngadto sa tagsa-tagsa ka mga baranggay. Karong Martes, gipanghatag na ang mga form ngadto sa mga magtutudlo nga mao’y manguna sa registration alang sa SK didto da mga baranggay. - Testigo