Kinabuhi sa caregiver sa US lisod - Pinoy boxer

Sukwahi sa gituuhan sa kadaghanan, dili lalim ang kinabuhi sa caregivers nga mga Pinoy sa America. Kini maoy gibutyag ni Diosdado Prince Gabi, usa ka boksidor na nakatilaw og trabaho isip caregiver. Sumala pa kang Gabi, sa pipila niya ka bulan nga pagpuyo sa America nasulayan niya nga magtrabaho isip caregiver aron madugangan ang iyang kita ug mapalit ang iyang mga panginahanglanon. Nasuwayan kuno niya ang trabaho sa caregiver dihang ni-absent ang iyang amigo nga caregiver sa California og siya mipuli niini. Dinhi nasulti sa boksidor nga dili lalim ang iyang kasinatian sa maong pagtrabaho. Gani, makasimpatiya siya sa ubang mga overseas Filipino worker nga susama ang trabaho. Lisod kuno ang kinabuhi sa America kay mahal kaayo ang tanan didto. - Testigo