Tanod mipusil patay sa usa usab ka tanod

Tanod sa Kauswagan, Matanao, Davao del Sur, positibong gitudlo nga maoy namusil sa usa ka tanod ug usa ka kagawad sa maong barangay. Gikatahong giubanan ni kagawad Dioscoro Geral, chairman sa committee on peace and order sa Kauswagan, si Eduardo Dacula sa balay sa kaubang tanod niini nga si Eli Ricopulasyon aron aregluhon ang wala pagsinabtanay sa duha. Didto na nahitabo ang pagpamusil. Patay niadtong tungura si Dacula tungod sa ubay-ubay nga samad pinsuilan nga nahiaguman niini. Si Geral, samdan sa luyong bahin sa lawas. Gikaingong ang suspek nagtago-tago karon ug anaa kuno kini karon sa balay sa usa ka pulitiko na Matanao. Ang suspetsado, si Ricopulasyon, maoy vice chairman sa committee on peace and order sa ilang barangay. - Testigo