1 samdan sa ‘pamomba’ sa Sultan Kudarat

Usa ang samdan sa pagbusikad sa usa ka eksplosibo Miyerkules sa gabii sa Lambayong sa Sultan Kudarat, matod pa sa mga otoridad. Nasamaran sa maong hitabo si Jimmy Mangansakan, 45, taga-Purok Waya-Waya, Lambayong Poblacion. Sumala sa mga taho, banda alas otso sa gabii, samtang nanihapon ang pamilya Mangansakan, kalit na lamang nibuto ang eksplosibo. Matod sa mga otoridad, usa ka “improvised explosive device" nga gigama gikan sa bala sa 40-mm mortar. Human sa pagbusikad, gikatahong girakrakan pa og M-16 rifle ang panimalay sa biktima. Nigawas sa imbestigasyon nga away sa pamilya ang motibo sa maong insidente. - Testigo