Connect with GMA News:

Google+1 us

GMA News Online Videos » GMA 7 Shows

Nadokumento ng Sual Rescue Team ang pagtulong nila sa pamilyang nabagsakan ng bumuwal na puno ng mangga ang bahay. Setyembre 2011 nang mangyari ang aksidente habang mahimbing na natutulog ang mag-anak. Ligtas ang dalawang bata subalit sugatan ang kanilang ama at agad na binawian ng buhay ang ina ng tahanan. (Airing Date: July 26, 2012)

Araw araw, umaabot sa apatnapu hanggang limampu ang responde ng grupo. Lahat ng emergency cases, mula sunog hanggang aksidente sa kalsada at tahanan, handa silang tumulong at umalalay. Hindi rin natinag ang rescue team sa paghuli sa isang makamandag na ahas na namataang gumagala sa isang bahay. (Date aired: July 19, 2012)

Sa kasagsagan ng pagbuhos ng ulan bumigay ang sementong sumusuporta sa tulay sa General T. De Leon sa Valenzuela City. Dalawang bahay ang nadaganan sa pagguho, kabilang ang mga nakatira dito. Dahil sa nangyari, nagsagawa ng retrieval operations ang mga rescue team gamit ang mga heavy equipment katulad ng backhoe at jackhammer. (Date Aired: July 05, 2012)

Isang di pa nakikilalang lalaki ang umakyat sa isang billboard sa Balintawak Market. Matapos ang higit limang oras na pakikipag-usap sa mga rescuers, tinangka niyang bumaba mula sa billboard. Dahil sa ulan, naging madulas na ang mga bakal ng billboard at naging sanhi ito ng kanyang pagkaka-dulas. (Date aired: June 28, 2012)

Isang drayber ang naipit sa pagitan ng dalawang naglalakihang trak. Pinaandar ng drayber ang kanyang trak ng nasa labas ng pintuan ng sasakyan. Ito daw ay para sana painitin muna ang makina. Kinailangang magsagawa ng 'extrication' ang Pasig Rescue Team para masagip ang naturang drayber. (Date aired: June 21, 2012)

Ayon sa Safe Kids Philippines, 1 sa bawat 5 naaksidente sa kalsada ay batang edad 16 pababa. Ngayong nagbukas na ang klase sa mga paaralan, sasabak nanaman ang mga estudyante sa lansangan. Para masiguro ang kaligtasan ng mga mag-aaral, nagbahagi ang Rescue ng ilang mga paalala sa mga bata, maging sa mga magulang. (Date aired: June 14, 2012)

Sa pagronda sa Barangay 123 Tondo, Manila nadokumento ng Rescue ang isang insidente kung saan isang lola ang nagbabantang sasaktan ang sariling apo. Paliwanag ng lola, madalas raw lumampas sa curfew ang kanyang apo na naloloko daw sa kapwa babae. (Date Aired: June 7, 2012)

Bagaman mahalaga, hindi lahat ng Baranggay sa bansa ay may sariling ambulansya. Sa Baranggay Muzon, San Jose del Monte, Bulacan na may higit 100,000 na residente, iisa lang ang ambulansya dito. Dahil nag-iisa, bugbog na bugbog na ito sa pagkakagamit at sirain. Sa halip na tunay na ambulansya, kaagapay na lang ng mga residente tuwing may emergency ang mobile unit ng baranggay. (Date Aired: May 24, 2012)

Huling-huli ng CCTV ang modus ng isang salisi gang na nakapagnakaw ng higit 11,000 Php halaga ng cellphone load. Nahagip ng CCTV ang panlilinglang na ginawa nila sa mga tindera gamit ang ilang ordinaryong bagay tulad ng payong at folder. Date Aired: May 17, 2012

Sa kasagsagan ng bakasyon at summer outing, dalawang bangkang nagbanggan ang nakuhanan ng isang Youscooper habang nagbabakasyon sa Matabungkay beach sa Batangas. Tampok sa video ang walang pag-aatubiling pagtulong ng ilang kalalakihan sa mga bata at matatandang lulan ng naaksidenteng bangka. (Date aired: May 10, 2012)