Connect with GMA News:

Google+1 us

GMA News Online Videos » GMA 7 Shows

Ang dalagang si Merly, pinaparusahan daw ng isang kakaibang kondisyon na siya lamang sa halos kalahating milyong tao ang nagtataglay sa buong mundo. Ito ay ang abnormal na pagdami at pagkalat ng nunal sa katawan. Ngayon, matapos ang dalwang dekada may magandang balitang hatid sa kanya ang mga doktor at espesyalista. (Date aired: September 22, 2012)

Sa Batangas City, makikita raw ang matandang mag-asawang sina Lolo Jerry at Lola Catalina. Kahit uugod-ugod at mahina na, tuloy pa rin ang pagkayod ng dalawa. Sakay ng ng lumang tri-bike, sinusuyod nila ang mga lansangan para i-alok ang kanilang serbisyo na mag-hasa ng mapupurol na kutsilyo at itak. (Airing Date: September 15, 2012)

7 taong gulang pa lang si Ronnie nang magsimulang lumuwa ang kanyang mga mata. Habang tumatanda, palaki ng palaki na ang mga bukol hanggang sa tuluyan na siyang nawalan ng paningin. Ang pagkakataong madalaw siya ng Wish Ko Lang, inialay niya para humiling hindi para sa sarili, pero para sa kanyang mga magulang. (Date aired: September 8, 2012)

Noong una, hindi naman naging sagabal kay Jenny ang kanyang malaking sukat para mamuhay ng normal. Nabago ang lahat nang tumungtong na sa higit kumulang 400 pounds ang kanyang timbang. Nahihirapan na si Jenny kumilos at 'di na siya makapag-hanapbuhay. (August 25, 2012)

Dalagita pa lang si Lea nang maaksidente at mabulag. Sa kabila nito tuloy ang buhay. Siya ngayon ang mag-isang nagtataguyod sa kanyang dalawang anak. Para sa kanya, hahamakin niya ang lahat manatili lang silang magkakasama. (Date aired: August 18, 2012)

Pansamantalang tinakpan ni Kapuso hunk Aljur Abrenica ang kanyang kasikatan para makahanap ng isang mabuting samaritano sa isang terminal ng bus sa Cebu. Matapos niyang lumapit sa ilang tao, isang gwardiyang may ginituang puso ang kanyang natagpuan. (Date aired: August 11, 2012)

Dinapuan ng malubhang sakit na aplastic anemia ang 10-taong gulang na batang si AJ. Dahil dito, paralisado na ang ilang bahagi ng kanyang katawan at hindi na makapagsalita. Napagalaman ng Wish Ko Lang na tagahanga pala siya ng Kapuso star, Marian Rivera. Kaya naman, mayroong espesyal na sorpresang hinanda ang programa para sa kanya. (Date aired: August 4, 2012)

Papunta na sana si Angel sa ospital para manganak. Dahil naghihilab na ang kanyang tiyan, nagpasya siyang sumakay ng LRT. Habang lulan ng tren, dito na siya naabutan ng panganganak. Mabuti na lang at mayroong mga taong handang tumulong sa kanya (Date aired: July 28, 2012)

Si Ginang Ginnie Sobrino ay dating aktibo sa sining, mapa- teatro man o pelikula. Inalay niya rin ang sarili para ibahagi ang mga kaalaman sa mga kabataan kaya nagturo ng speech at drama rin sa FEU. Nag-kasakit siya ng diabetes kaya naputol na ang kanyang paa at lumabo pa ang mga mata. Buti na lang, may isang kaibigan na araw-araw na tumtingin at umaalalay sa kanya. (Date aired: July 21, 2012)