Ate Liza's Travel Bible

August 12 2014

By AEDRIANNE ACAR


 
Mga Kabarangay, alamin ang dos and don’ts ng Status of the Nation host na si Ate Liza when it comes to traveling abroad.

Very helpful ang tips ng brunette DJ, dahil maraming beses na siyang nag-around the world.

Make sure to take down notes para maging hassle-free ang inyong out of the country vacation.

 
1.  Spend more on experiences and less on money
Instead of an expensive hotel, Ate Liza looks for an inn or an affordable option that does not deprive her of privacy.

Tandaan daw, mga Kabarangay, na puwede kang mag-enjoy sa biyahe without burning your life’s savings. Mas magandang mag-focus sa pag-enjoy ng travel experience kaysa mag-ubos ng pera.

“’Yung iniisip ko ‘yung pagkain ko ng ilang araw. Spend more on experiences like kung tours, if you like traveling in a group or let’s say pupunta kayo sa ganitong lugar, puwede kang mag-spend on that pero on other things puwede kang magtipid.”

2.    Be alert!
Huwag daw dalhin ang important documents, like your passport, everywhere especially kung safe naman ang accommodation mo. Baka raw kasi malaglag mo.

“Pero kung guwardiyado mo naman ‘yung bag mo habang naglalakad ka, puwede mo naman siyang ilagay doon. Always be alert! Kasi hindi porke nasa ibang bansa ka walang magnanakaw, walang scammer. Mayroon at mayroon niyan.”

3.    Mas maliit na pasalubong mas okay!
“Kasi hindi mo rin ‘yan mauuwi or mabibitbit. Mahihirapan ka rin. As much as possible, I travel light pag ako lang mag-isa kasi madaling mamanhik-manaog sa bus, eroplano or train or whatever mode of transportation.”

4.    Update loved ones on your whereabouts
“Kunwari, nandito na ako sa hotel. At least updated sila sa whereabouts mo. Hindi sila magwo-worry about you.”

5.    Research your travel destination
“Research! Research! sa pupuntahan mong lugar. Kasi minsan hindi mo alam na may ganyan palang magandang lugar doon or attraction.” Baka rin daw sarado ang mga lugar na pupuntahan mo sa araw na pinili mong pumasyal doon.

It helps daw to check out travel sites and blogs, “kasi sila ‘yung magbibigay ng practical tips.”

6.    Get to know the locals
“Huwag kang masyadong magtitiwala basta-basta, siyempre. Pero also give yourself a chance to talk to people and know them. Kasi ‘yun naman ‘yung maganda sa traveling. You get to experience ‘yung culture and you meet people. ‘Yun ‘yung pinakana-e-enjoy ko.”

Kuwento pa ni Ate Liza, hindi raw niya malilimutan nang pumunta siya sa Rome, dahil may na-meet siyang Argentinian at masaya raw ang kanilang naging usapan.

“Parang mga high school sila, exchange students tapos nag-end up na nagkukuwentuhan lang kami. Ang late na nga eh! Pagtingin ko sa relo ko, gabi na, nagkandaligaw-ligaw pa ako,  pero na-enjoy ko ‘yun.”