EXCLUSIVE: Top One Project thankful for the opportunity to collaborate with Julie Anne San Jose

August 31 2016

By AEDRIANNE ACAR

Bumuhos ang kilig ngayong Miyerkules ng mag-guest ang mga members ng Top One Project na sina Miko Manguba, Mico Cruz at Joshua Jacobe sa morning radio program ni Mama Belle sa Barangay LS 97.1

Sa exclusive interview ng GMANetwork.com sa mga guwapong binata sa Sikat Sa Barangay, nagkuwento ang mga ito sa experience nila nang maka-collaborate ang isa sa mga top singers ng Kapuso Network na si Julie Anne San Jose. 

LOOK: Top One Project collaborates with Julie Anne San Jose

Mapapanood ang collaboration ng Top One Project at ng Asia’s Pop Sweetheart sa official Facebook page ng Kapuso boyband.

Ayon kina Miko Manguba at Mico Cruz na overwhelming na naka-trabaho nila ang isang Julie Anne San Jose.

Saad ni Miko Manguba, “Nung una nagulat kami na um-oo siya sa collaboration na ‘yun, kasi sobrang tight ng schedule niya medyo nahirapan din kami with her schedule, pero since kami naman ‘yung nag-aadjust to her availability siyempre tinake na namin ‘yung opportunity.”

Dagdag naman ni Mico Cruz, “Actually nakakatuwa kasi parang sobrang bait pala ni Julie Anne, kasi siyempre humingi na kami ng favor sa kaniya para gawin itong cover na ito, tapos pagdating niya dun [sa pinagpraraktisan namin]  talagang very down-to-earth.” 

Todo din ang pasasalamat ng Top One Project sa mga avid supporters nila, dahil sa magandang performance ng kanilang carrier single na ‘Paggising’ na pasok palagi sa official music countdown ng Barangay LS na The Big Ten.

Ayon kay Joshua, “Siyempre for us it’s a privilege since rookies kami sa industry sobrang laking bagay sa amin na napasama kami sa The Big Ten ng Barangay LS, siyempre with the support of the fans, sobrang maraming-maraming salamat sa unsTOPpables na sumusuporta sa amin.”

More on BARANGAY LS:

IN PHOTOS: Monday jamming with OPM band Sponge Cola! 

IN PHOTOS: Kapuso siren Julie Anne San Jose's radio tour for album 'Chasing the Light'