EXCLUSIVE: Alden Richards, tinanggap ang 8x Platinum Award para sa album na 'Wish I May'
Ibinigay ang sorpresang award kay Alden sa Sunday PinaSaya kanina, September 18.
Tila hindi pa rin sanay si Pambansang Bae Alden Richards na makatanggap ng certification mula sa Kapisanan ng Industriya ng Plaka ng Pilipinas para sa kanyang “Wish I May” album na kasalukuyan nang 8x Platinum Awardee.
“Lahat ng awards is a reminder of how well you’re doing [and] how people are inspired by what you do so parang I take it as a token [because] people appreciate what I do in all aspects of my career,” saad ng aktor sa ekslusibong panayam ng GMANetwork.com.
Sinorpresa ito sa kanyang set sa Sunday PinaSaya kaya laking gulat ang aktor na nasa stage. Kuwento niya pa, “Sana [pang] habang buhay ko na dadalhin ang “Wish I May” album [kasi it] did so well. Talagang sobrang naging memorable because I never [thought] I will have an album na mag-e-eight times [platinum] in a lifetime. I’m very thankful talaga.”
Unang-una niya pinasalamatan ang kanyang mga tagahanga, “Thanks to the supporters [and] followers. Nakaka-inspire lang na parang they believe in you so much that they give all their support just to make something you [want to] do memorable to you.”
Sa kanila rin niya hinahandog ang tagumpay ng kanyang album, “Of course, to the fans, to the supporters [and] to all who have been believing in me since the day I started – to my mom, my family, of course to my management. Sobrang thankful ako sa kanila.”
Alden Richards, pinarangalan ng 7x platinum award para sa album na 'Wish I May'
