Around GMA

Article Inside Page

Hindi maipagkakaila na isa sa mga pinakamagandang Kapuso actresses ngayon si Barbie Forteza. Ngunit ayon sa Kapuso Primetime Princess, mahirap para sa kaniya ang makita ang sarili sa salamin, lalo na kapag normal na araw at wala namang special events.

Sa pagbisita niya sa vlog na “Dollywood PH,” napag-usapan nila ni Dolly Carvajal ang tungkol sa pagiging vain, at kung papaanong “favorite sin” din ito ng mga lalaki. Pero nang tanungin siya kung vain din ba siya, sinabi ni Barbie na parte lang iyon ng kaniyang trabaho.

“Siguro po dahil lang parte siya ng trabaho ko pero hindi naman to the point na 'pag lumalabas po kasi ako, kunyari errand, hindi po ako halos nagme-makeup, hindi rin po ako masyadong [Dolly: Deglamorized] oho, hindi po talaga,” pagbabahagi ni Barbie.

Pagpapatuloy pa ng aktres, simple lang siyang manamit tuwing lumalabas. Sa katunayan, madalas ay nakapantalon at t-shirt lang siya sa mga ganitong pagkakataon.

TINGNAN ANG STYLISH LOOKS NI BARBIE SA SOUTH KOREA SA GALLERY NA ITO:

Tinanong din siya ni Dolly kung siya ba 'yung tipong kapag may nadaanan na salamin ay tinitingnan ng husto ang sarili.

Sagot ni Barbie, “Actually, may something po sa akin na kapag normal na araw, hindi ko alam if it's psychological, ayokong tumingin sa salamin.”

Wika niya ay dahil lagi na lang siyang nasa spotlight, o kaya naman ay nasa harap ng salamin para magpa-glam, sinabi niyang ayaw na niyang tumitingin sa salamin kapag personal time na niya.

Samantala, abangan si Barbie sa GMA, Viu, at CreaZion Studios drama series na Beauty Empire soon on GMA.