Ex-SexBomb member Aira Bermudez, nagdadalamhati sa pagpanaw ng ina
Around GMA
Around GMA
Woman killed by live-in partner in Caloocan Bagong steel hanging bridge, handog ng GMA Kapuso Foundation sa Rodriguez, Rizal | 24 Oras Hospitals activate Code White on Christmas EveArticle Inside Page
Showbiz News
Pakikiramay sa 'yong pamilya, Aira Bermudez.
Nagdadalamhati ngayon ang dancer at dating SexBomb Girls member na si Aira Bermudez dahil sa pagkamatay ng kanyang ina.
Sa social media, ibinahagi ni Aira ang larawan ng burol ng kanyang ina kalakip ang caption na, “PAALAM MAMA! I love you so much.”
Bumuhos naman ang pakikiramay kay Aira ng kanyang mga taga-suporta at kaibigan sa showbiz gaya ng kanyang kapwa SexBomb member noon na si Izzy Tarazona, TV host na si Allan K, aktres na si Gladys Reyes, Giselle Sanchez, sexy actor na si Sean De Guzman at marami pang iba.
“Nakikiramay ako @airabermudez pakatatag ka,” mensahe kay Aira ng aktres na si Gladys.
Hindi naman ibinahagi ni Aira ang naging dahilan ng pagkamatay ng kanyang ina sa nasabing post.
Samantala, matatandaan na nag-viral noon ang mga hataw na dance video ni Aira sa social media at ang kanyang mga entry sa trending dance challenges.
Si Aira ay may non-showbiz husband na si Ronald Inovero na ngayon ay nakabase pa sa Australia.
