Around GMA

Article Inside Page

Madamdamin ang social media post ngayon ng Kapuso singer na si Aicelle Santos kung saan inalala niya ang kanyang namayapang ina na si Leonila Santos.

Matatandaan na nito lamang November 24, ay binawian ng buhay si Leonila matapos itong ma-comatose at ma-cardiac arrest.

Sa Instagram, ibinahagi ni Aicelle ang larawan ng ina noong ito ay nabubuhay pa, Nakatalikod ito at malayo ang tanaw sa mga bundok.

View this post on Instagram

A post shared by Aicelle Santos 🇵🇭 (@aicellesantos)

Kalakip ng larawan na ito ay ang tula na isinulat ni Aicelle kung saan mababakas ang kanyang pangungulila.

"Sa bawat gabing pagtulog ay patak ng luhang pag-agos. 'Pag tahimik na ang lahat, ikaw lang ang hanap," sulat ni Aicelle.

"Balang araw alam ko, mayayakap kang muli, makikita ang iyong ngiti," sunod pa niya.

"Pero ngayon, iiiyak muna. Padadaanin ang panahon, titingala muna sa iyo, sa langit," pagtatapos ng kanyang tula.

Sa comments section ng post ni Aicelle, agad na nagbigay suporta ang ilan sa kanyang mga kaibigan at fans.

SILIPIN ANG ILANG LARAWAN NG PAMILYA NI AICELLE SANTOS AT ASAWANG SI MARK ZAMBRANO SA GALLERY NA ITO: