Skipping rope workout, bagong fitness trend
Around GMA
Around GMA
Cambodia's king undergoing treatment for prostate cancer Mga tricycle driver at fish vendor sa Cardona na apektado ng mahal na langis, hinatiran ng tulong ng GMAKF | 24 Oras ‘Magpakailanman’ episode nga ‘Ang Babae sa Larawan’ bwas, 8:15pm sa GMA | One Western VisayasArticle Inside Page
Showbiz News
Ayon sa eksperto, epektibo umano ang skipping rope workout para sa weight loss at pag-tone ng muscles ng buong katawan.
Skipping rope workout ang bagong kinahihiligang exercise ng mga fitness enthusiast at celebrities gaya nina Ellen Adarna at Lovi Poe.
Ayon sa mga eksperto, total body workout ito na pwedeng gawin kahit limited ang space sa bahay.
Hindi lang ito pang binti lang dahil sumesentro rin ang skipping sa core muscles at nakakapag-pump ng puso.
Ito ang dahilan kaya mainam itong pangbawas ng timbang bukod pa sa nakapagpapa-tone rin ito ng buong katawan.
Sa panayam ng 24 Oras kay fitness instructor Martin Baldo, ibinahagi niyang kahit na simpleng ehersisyo lamang ang skipping ay epektibo naman ito.
Ang kailangan lamang dito, jump rope, rubber shoes, at kahit anong swabeng music na sasabayan mo sa skipping.
“Just a slow song or any kind of song na you really like and follow the rhythm of it.
"For rope rhythm, we really focus on the music. We don't even count how many jumps we do,” ani Martin.
Para naman umano sa may iniindang sakit sa mga kasu-kasuan, maaari rin umano itong gawin ngunit dapat na aprubado muna ito ng doktor.
“I'm not a senior citizen but I have scoliosis, I have knee problems, that's fine as long as you know when to stop [or] when you need to stop.
"If there's any kind of pain, that's a sign to stop.
“For any kind of workout or any kind of endeavor that you pursue, always talk to your doctor first,” sabi pa ni Martin.
Dahil sa quarantine, natuon ang atensyon ng publiko at mga celebrity sa pag-e-ehersisyo at marami ang nagsabing mainam ang home workout sa kanilang katawan gayundin sa kanilang mental health.
