'Mars Pa More' host Camille Prats, gumaan ang pakiramdam mula nang maging mas healthy at fit
Around GMA
Around GMA
Duchess Meghan tries to contact estranged father after amputation reports Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
Ano kaya ang sikreto ni Camille Prats at ng asawang si VJ Yambao sa kanilang magandang pangangatawan?
Ngayong mayroong community quarantine, nagkaroon ng oras ang mag-asawang sina Camille Prats at VJ Yambao upang maging mas healthy at fit sa pamamagitan ng pag-e-exercise.
Kuwento ni Camille kay Cata Tibayan sa 24 Oras, hindi nila puwedeng gawing dahilan ang kawalan ng oras sa pagwo-workout dahil nasa bahay lang naman sila ngayong may pandemic.
"'Yung excuse mo na wala kang oras para mag-workout, mars hindi mo na puwedeng gamitin kasi ang dami mo nang oras," saad ng host ng Mars Pa More.
"Lagi naming tina-try mag-workout nang sabay. That way parang we can motivate and push each other."
June 2020 nagsimula mag-workout sina Camille at VJ pero ayon kay Camille, bukod sa pag-e-exercise, binawasan din nila ang kanilang pagkain ng beef at prok.
Dagdag niya, "'Yung strength mo rin, 'yung lakas mo, manggagaling din sa pagkaing kinakain mo."
"Nagbawas kami sa pork tsaka sa beef but we still eat, ha. Kumakain pa rin kami pero binawasan lang."
Panoorin ang buong report ni Cata sa video sa itaas. Kung hindi nagpe-play ang video, pumunta DITO.
Samantala, sa isang vlog ni Camille, ibinahagi niya kung ano ang kanyang kinakain araw-araw.
"Kape lang talaga ako sa umaga. I enjoy a cup of coffee, I don't eat breakfast kasi I try doing this intermittent fasting," kuwento ni Camille.
"Nung na-notice ko na because of working out, naglo-lose ako ng pounds, tinuloy-tuloy ko na with my diet.
"So, [nag-try] ako ulit mag-IF [intermittent fasting] so that's skipping breakfast and I eat lunch time na.
"Kape lang talaga sa umaga, and then I also do my workout in the morning in an empty stomach because I feel like mas magaan mag-workout.
"At saka sabi nila, mas effective raw 'yun."
Tuwing lunch at dinner, mas gustong kainin ni Camille ang chicken o seafood.
"I prefer eating more of like chicken, fish, maraming maraming gulay. I still eat rice, hindi ko rin pinipigilan 'yung sarili ko na kumain ng kanin, especially 'pag lunch.
"'Pag dinner, I usually change it to Adlai kung naaalala kong saingin. But if not, I still eat a bit of rice but definitely less than what I eat every lunchtime."
Panoorin ang buong fitness journey ni Camille sa ibaba:
Bukod kay Camille, maraming celebrities na rin ang ginamit ang quarantine upang mapalakas ang kanilang pangangatawan.
Kilalanin sila rito:
