Around GMA

Article Inside Page

Nakapag-unlock na naman ng panibagong skill si Kapuso Action-Drama Prince Ruru Madrid.

Sumabak kasi siya kamakailan sa superbike training sa ilalim ng California Superbike School.

Source: rurumadrid8 (IG)

Maraming mga celebrity motorcycle riders tulad nina Jak Roberto, Gab Valenciano, Drew Arellano at Paolo Abrera ang minsan nang sumailalim ng training sa two-day camp ng nasabing paaralan.

Dalawang course curriculums ang natapos ni Ruru--ang Level 1 kung saan ina-address ang mga karaniwang pagkakamali ng riders, at Level 2 kung saan naman sinasanay ang mga mata para ma-maximize ang gamit ng mga ito habang nakasakay sa superbike.

Sa isang video na ibinahagi ni Ruru sa Instagram, makikitang sumailim siya at iba pang mga estudyante sa lecture bago sumabak sa track sakay ang kanilang mga superbikes.

Makikita rin sa video na sinamahan siya ng kanyang real life sweetheart na si Bianca Umali na tumulong pa sa paglalagay ng helmet ni Ruru.

"One hell of a ride!" sulat niya sa caption ng kanyang post.

View this post on Instagram

A post shared by Ruru Madrid (@rurumadrid8)

Gamit ni Ruru sa training ang kanyang Kawasaki #Z900RS na iniregalo niya sa kanyang sarili nito lang nakaraang February.

Astig na astig rin ang dating niya sa kanyang all-black race suit.

View this post on Instagram

A post shared by Ruru Madrid (@rurumadrid8)

Isang motorcycle enthusiast si Ruru at minsan nang sumailalim sa dirt bike training.

Pero iba ang superbike sa dirt bike at pangkaraniwang motorsiklong ginagamit sa pang-araw araw dahil sa mas malakas na engine nito.

Haka-haka ng maraming fans ni Ruru na ang superbike training na ito ay bahagi ng paghahanda ng aktor para sa upcoming action series na Black Rider kung saan nakatakda siyang bumida kasama si Matteo Guidicelli.

SAMANTALA, SILIPIN ANG IBA PANG CELEBRITY MOTORCYCLE ENTHUSIASTS SA GALLERY NA ITO: