Around GMA

Article Inside Page

Nakiisa sina Rhian Ramos at Allen Dizon sa Pride Run na ginanap kamakailan sa Quezon City.

Co-stars sina Rhian at Allen sa pelikulang Unconditional na tumatalakay sa ilang isyu tungkol sa gender at gender expression.

Kaya naman minarap nilang magpakita rin ng suporta sa LGBTQIA+ community ngayong Pride Month.

"We want to celebrate with them. Also because even in the showbiz industry, ang layo layo na natin today from where we used to be," pahayag ni Rhian.

"'Yung Pride Month na ganito parang ang sarap makita na mayroon silang unity. 'Pag mahal mo ang isang tao, it's unconditionale eh. Kahit ano man siya, kahit sino siya, kapag mahal mo, kailangan mo talagang panindigan," lahad naman ni Allen.

Mapapanood na sa mga sinehan nationwide ang Unconditional.

Related gallery: Rhian Ramos, Allen Dizon team up for new Adolf Alix Jr.movie

Bukod sa kanilang pelikla, busy rin sina Rhian at Allen sa kanikanilang mga Kapuso shows.

Bahagi si Rhian ng mega telefantasya na Encantadia Chronicles: Sang'gre, kung saan katrabaho niya ang bagong henerasyon ng mga Sang'gre.

"It gives me so much hope talaga for the entertainment industry to see these young actors being so professional and giving so much importance to the work that they do. I think you will all really love their performances also," papuri niya sa co-stars.

Si Allen naman, bahagi ng primetime action series na Sanggang Dikit FR, na pinagbibidahan nina Kapuso Drama King Dennis Trillo at Ultimate Star Jennylyn Mercado.

Masaya daw siya na mas nakikilala pa on a personal level ang kanyang mga katrabaho.

"Pinaguusapan namin, mag-ride kami, magmo-motor kami. Kasi 'di ba nagmomotor sila so gusto nilang mag-ride sa Pampanga, sa north," kuwento ni Allen.

Panoorin ang buong panayam ni Lhar Santiago kay Rhian Ramos at Allen Dizon para sa 24 Oras sa video sa itaas.