Derek Ramsay on John Lloyd Cruz: 'Wala naman kaming problema'
Around GMA
Around GMA
Rising P-pop group 1st.One to hold Asia Tour in 2026 Complete list of winners at the MMFF Gabi ng Parangal Davao police say boy’s injury not caused by firecrackersArticle Inside Page
Showbiz News
Malaki pa rin ang respeto ni Derek Ramsay kay John Lloyd Cruz pagdating sa pagpapalaki ng anak nitong si Elias.
Masaya ngayon ang buhay mag-asawa nila Derek Ramsay at Ellen Adarna, kasama ang anak ng aktres kay John Lloyd Cruz na si Elias. Katunayan kitang-kita ang closeness ng dalawa na tila mag-ama talaga sila, lalo na sa mga post ng aktor sa social media.
Sa entertainment YouTube channel na 'Morly Alinio (Ito ang Tondo),' ipinahayag ni Derek kung gaano niya kamahal si Elias, at sinabing masarap siyang kasama.
“Elias is a beautiful child. Ang sarap niyang kasama. May problema ka na sa sarili mo kung hindi mo kayang mahalin 'tong batang 'to. He's a great kid. So for me, it was just natural for me to fall in love with this boy as part of Ellen,” sabi ni Derek.
Pinabulaanan din ni Derek ang sinasabi ng netizens na nagpapanggap siya at isang act lang umano ang ginagawa niya para kay Elias.
Aniya, “Pero anong act? Asawa ko 'yan. Anong acting? Honeymoon namin, kasama namin 'cause I want Elias to experience Africa with us. Lagi kong hinahanap 'yan.”
TINGNAN ANG CUTE MOMENTS NINA DEREK AT ELIAS SA GALLERY NA ITO:
Nang tanunging naman ng host na si Morly Alinio kung kamusta ang relationship nila ni John Lloyd Cruz, sagot ni Derek, “Wala naman kaming problema.”
“Hindi naman kami bestfriends [Hindi kayo bestfriends pero hindi rin kayo magkaaway. Hindi. Si John Lloyd, kasi Elias has school now so Monday to Friday, sa'min siya, then sa weekends, sa papa niya,” sabi ni Derek.
Pagpapatuloy pa ng aktor ay very happy sila ngayon sa co-parenting set-up nila ni Ellen at John Lloyd. Nilinaw rin niyang hindi niya inangkin ang karapatan ng aktor bilang ama ni Elias.
“No, I would never disrespect him, I know my place. Kumbaga, second best, hanggang du'n lang ako,” sabi ni Derek.
Kamakailan lang ay pinagtanggol din ni Ellen si John Lloyd mula sa netizen na pinuna ang pagkawala ng aktor sa moving up ceremony ng anak na si Elias. Isang netizen kasi ang nagkomento sa post ng aktres na dapat ay present si John Lloyd sa ceremony ng anak.
Sagot ni Ellen, “AND YOU SHOULD MIND YOUR OWN BUSINESS. 'Wag masyadong close minded manang. Present father naman cya meaning present din cya sa lahat ng milestones ng anak nya.”
