Tiyak mapapakamot o 'di kaya magugulat kayo kapag nalaman n'yo ang ilan sa real name ng paborito n'yong celebrities.
Ang iba kasi sa kanila, kung gaano kaikli ng kanilang screen or stage name, ganun naman kahaba ang totoo nilang pangalan.
Una na diyan ang multi-awarded actor, host, at businessman na si Dingdong Dantes.
Sino ang mag-aakala na ang pangalan ng Kapuso Primetime King sa kaniyang birth certificate ay Jose Sixto Raphael Gonzalez Dantes III.
Heto at silipin ang ilan sa mahahabang real names ng ilan sa mga showbiz personalities sa gallery na ito.
Mahulaan n'yo kaya tulad sa araw-araw na panghuhula n'yo sa survey sa 'Family Feud,' na ang pangalan sa totoong buhay ng mister ni Marian Rivera ay si Jose Sixto González Dantes III.
Nakita natin lumaki sa telebisyon ang home-grown Kapuso actress na si Althea Ablan. Pero ang pangalan pala ni Althea sa tunay na bunay ay maihahalintulad natin sa 'tila sa isang prinsesa, Maria Altheyah Sofia Olivar Ablan.
Galing si Kiko Estrada sa sikat na showbiz clan, ang Ejercito-Estrada. Pero kung four letter word lang ang first name ng screen name niya, napili naman ng kaniyang mga magulang na sina Gary Estrada at Cheska Diaz ang pangalan niyang Jason Joseph Francis Carlos Diaz Ejercito.
Ang real name ng misis ni Senator Robinhood Padilla na si Mariel ay Maria Erlinda Lucille Sazon Termulo-Padilla.
Sino ang mag-aakala na si Bianca Regina Lyttle Reyes-Abrenica ay ang aktres na si Sophie Albert, na pamangkin ni Kris Aquino.
Ang paternal grandmother ni Sophie na si Josephine Cojuangco-Reyes ay kapatid ni former President Corazon Cojuangco Aquino.
Unique ang real name ng former 'Bubble Gang' star na si Gwen Zamora na Gwenaelle Tasha Mae Agnese.
Itinuturing si John Paul Joseph Cadayona o si Sef Cadayona bilang isa sa mahusay na comedian sa bakuran ng GMA-7.
Palaban ang totoong pangalan ng Kapamilya sweetheart na si Andrea Brillantes, na ang real name ay Ramona Anndrew Blythe Daguio Gorostiza.
Itinuturing isa sa primera kontrabida sa show business si Maria Katrina Iren Pe Halili o Katrina Halili. Graduate ng first season ng 'StarStruck' si Katrina kung saan ka-batchmate niya dito sina Jennylyn Mercado, Yasmien Kurdi, Nadine Samonte, Mark Herras, at Cristine Reyes.
Napaka-sweet ng real name ng Viva Hot Babe member na si Sheree na ang real name ay si Cherry Hazel Sweet Faye Vidal Bautista
Isa si Jose Nikolas Emmanuel Pacifico Herrera, o mas kilala sa showbiz name niya na Pepe Herrera, bilang isa sa pinaka-successful na theater actor na nakatawid sa mainstream media.
The real name of Fil-British actor Markus Paterson is Mark Paul Robert Paterson.
Mahaba rin ang real name ng Sparkle beauty queen na si Gazini Ganados. Ang tunay na pangalan ng Miss Universe Philippines 2019 winner ay Gazini Christiana Jordi Ganados.