Weekend pumatak ang Undas ngayong 2024 kaya naman mahaba-haba ang pahinga ng ilan sa mga paborito nating celebrities.
Dikit pa dito ang Halloween kaya todo ang paandar ng ilan bago magbakasyon.
Pinili ng ilan na maka-bonding ang kanilang mga mahal sa buhay habang ang iba naman ay piniling mag-relax o mabigay ng oras para sa kanilang self-improvement.
Silipin ang mga inatupag ng ilang celebrities na ito ngayong 2024 Undas long weekend.
Nag-host ng dinner para sa kanilang showbiz friends ang mag-asawang Dingdong Dantes at Marian Rivera. Kasama sa mga dumalo dito sina Julie Anne San Jose, Rayver Cruz, Mikee Quintos, Paul Salas, Ysabel Ortega, Miguel Tanfelix, Kyline Alcantara, Kobe Paras, Dianne Medina, Rodjun Cruz, Arthur Solinap, at Carlo Gonzalez.
Pumunta naman si Barbie Forteza sa Chicago para bisitahin ang kanyang kapatid. Nasubukan din ni Barbie na mag-trick or treat doon.
Magkakasama nang nag-trick or treat si Rocco Nacino, Melissa Gohing at anak nilang si Ezren suot ang kanilang dinosaur costumes.
Tumungo naman ng Tanay, Rizal sina Jennylyn Mercado at Dennis Trillo sakay ang kanilang big bikes kasama ang ilang kaibigan.
Nasa Tanay rin si Kapuso singer and musical actor Anthony Rosaldo para bisitahin ang Tinipak River.
Tinuruan naman ni Rochelle Pangilinan ang kanyang anak na si Shiloh kung paano mag-cartwheels at mag-skipping rope sa isang parke.
Nasa Utah naman si Klea Pineda para ipagdiwang doon ang birthday ng girlfriend na si Katrice Keirulf.
Pinagtuunan naman ng pansin ni Yasmien Kurdi ang kanyang negosyo noong long weekend. Nagsilbi siya bilang kahero ng stall para matulungan ang kanyang mga empleyado sa dagsa ng customers.
Nagtungo naman sina Gabbi Garcia at Khalil Ramos sa Lijiang City sa China para mamasyal.
Nag-attend ng ilang lectures sa Harvard Business School si Matteo Guidicelli para matuto kung paano pa pagagandahin at palalawakin ang kanyang mga negosyo.