Sofia Pablo, naka-graduate na Top 4 sa kanyang batch
Photo Inside Page
Photos
Nakapagtapos na ng Grade 12 si Kapuso actress Sofia Pablo.
Naka-graduate siya mula sa Accountancy, Business, and Management Strand ng senior high school mula sa UST Angelicum College.
Kabilang din siya sa Top 4 na nagtapos sa kanyang batch kahit na pinagsabay niya ang pag-aaral at pag-aartista.
"Sinet ko po kasi talaga 'yung goal ko na gusto kong makatapos na mataas 'yung grades ko, na hindi siya magbabago from when I started na mas mag-focus sa pag-aartista," paliwanag ni Sofia.
Bukod sa pag-graduate with honors, nakatanggap din siya ng isang special academic award.
"She was able to maintain her excellent performance even though she was doing everything online. Actually, today, she will be receiving a special award, a Blessed Jordan of Saxony General Excellence Award. This is a testament that she really excels in her academics amidst all the busy schedules that she has," bahagi ni Dr. Ma. Urduja Galang, senior high school principal UST Angelicum College, tungkol sa pagkilalaang matatanggap ni Sofia.
SILIPIN ANG MEMORABLE GRADUATION PHOTOS NG ILANG CELEBRITIES DITO:
Plano raw ni Sofia na tumuloy sa kolehiyo at isang kursong related sa pag-aartista ang gustong niyang kunin.
Pero sa ngayon, vacation mode daw muna ang young actress.
"Magho-Hong Kong po ako with friends, graduation gift ni daddy. Actually, April pa siya naka-plano. Sabi ko, gusto kong mag-detox, huminga, mag-relax, mag-enjoy," bahagi niya.
Mapapanood si Sofia Pablo sa hit afternoon drama series na Prinsesa Ng City Jail, Lunes hanggang Sabado, 2:30 p.m., sa GMA Afternoon Prime at Kapuso Stream.
