Around GMA

Article Inside Page

Kasabay ng pagbahagi ni Rita Avila kung paano niya kinaya ang pagkamatay ng kanyang anak ay ang paglilinaw ng aktres na hindi siya isang mental case.

Isang komento ang natanggap ni Rita na may problema siya sa pag-iisip dahil iniisip daw nito na ang kaluluwa ng kanyang mga pumanaw na anak ay nasa mga manika niya.

Kuwento ng aktres, “Nang makunan ako 12 years ago, pinagbintangan akong nabaliw. Nang mamatay ang anak ko, lalo daw ako nabaliw. Kung totoo po ‘yan ay sa mental hospital niyo na ako pupulutin.”

 

Natawa ako sa isang komento na mental case ako at inisip ko na ang kaluluwa ng mga anak ko ay nasa loob ng dolls ko. Sino kaya ang mas mental case sa amin ng taong ito? Nang makunan ako 12 yrs ago, pinagbintangan akong nabaliw. Nang mamatay ang anak ko, lalo daw ako nabaliw. Kung tutoo po yan ay sa Mental Hospital nyo na ako pupulutin. Marahas ang mga tao. Nawalan at namatayan na ako ng mga anak pero nangbato pa din sila. Sa gitna ng pambabato nila, ako ay tumayo, bumalik sa trabaho, nagsulat ng mga libro bilang pag akap ko sa mga kabataan. Ninanais kong maging paraan ang Instagram at Facebook para maka inspire, maka pagpatawa, makaturo, maka-pagpabuti, at gawin kayong bahagi ng aking buhay. Marami kayong blessing sa akin. Salamat!

A post shared by msritaavila (@msritaavila) on Jun 3, 2017 at 9:22pm PDT

Ipinagkikibit-balikat na lamang daw ni Rita ang mga ganitong masasamang pahayag tungkol sa kanya.

Aniya, “Sa gitna ng pambabato nila, ako ay tumayo, bumalik sa trabaho, nagsulat ng mga libro bilang pag-akap ko sa mga kabataan.”

“Ninanais kong maging paraang ang Instagram at Facebook para maka-inspire, makapagpatawa, makaturo, makapagpabuti, at gawin kayong bahagi ng aking buhay,” patuloy niya.