Around GMA

Article Inside Page

Sikat ngayon si Nar Cabico kaniyang role sa The One That Got Away bilang ang nakakatuwang si Bunny. Ngunit sa likod ng mga jokes at hirit niya sa telebisyon, alam n'yo ba na maraming naging pagsubok si Nar bago siya pumasok sa mundo ng showbiz?

Inalam 'yan ni Rhea Santos ng makapanayam niya ang Kapuso singer-actor sa Tunay Na Buhay.

Kinuwento ni Nar ang naging karanasan niya bilang isang working student sa Maynila habang nagsisikap sa abroad ang kaniyang mga magulang.

Aniya, "I was a working student tapos kailangan kong i-keep 'yung grades ko and with my first guitar, nilibot ko pa 'yung Malate. I was knocking on restaurants [asking] 'Kailangan n'yo po ba ng singer?' [I was] 16, first year college."

Dagdag pa niya ang isa sa mga lowest moments ng kaniyang buhay, ang time na kinailangan niyang mag-shoplift para lang may makain.

"Merong time na wala na, nagsara na 'yung bar, wala akong makain, talagang naglalakad ako sa Harrison. Dalawang araw na ata akong walang meal? Talagang tubig lang 'yung nasa sistema ko. Tapos pumunta ako sa grocery store, isang maliit na tsokolate. Tapos madali akong pumunta sa CR kasi baka habulin ako ng whatever. Tapos umiiyak ako sa banyo, kinakain ko 'yung tsokolate tapos sinasabi ko 'Hindi na mauulit 'to, hindi pwedeng maulit 'to," kuwento ni Nar.

Sa kabila ng struggles at hardships, ngayon naman ay namamayagpag na ang career ni Nar sa industriya at masaya rin ang kaniyang lovelife married to his husband, VJ Capule.

Panoorin ang Tunay Na Buhay below upang malaman ang aral ng buhay ni Nar: