READ: Alden Richards confirms opening of own fast food franchise in April

Isang bagong business ang bubuksan ng Pambansang Bae Alden Richards sa Abril.

LOOK: Alden Richards's new restaurant in Quezon City will open soon

Sa panayam ng Kapuso showbiz reporter Aubrey Carampel sa taping ng Daddy's Gurl ngayong Huwebes, February 28, kinumpirma ni Alden na magkakaroon siya ng McDonald's branch sa Biñan, Laguna.

Aniya, “Mag-o-open po ako ng panibagong restaurant, may bubuksan po akong bagong business sa April 26.”

IN PHOTOS: Celebrity na, negosyante pa!

Ikinagulat ng Kapuso actor na sobrang daming opportunities na dumating sa kaniyang buhay kaya todo na siya sa pagiging businessman niya.

“Ang dami lang nagbubukas na opportunity. 'Yun lang naman kasi dapat, talagang you seize the moment, grab mo lang 'yung opportunity pag nag-reveal siya sa harap mo.

“And siguro sobrang daming blessings lang talaga na dumadating sa buhay namin kaya ganun kabilis, kahit ako nagugulat.

“Hindi ko po in-expect po na ganito aabutin 'yung pagiging businessman ko” saad ni Alden.

Binigyan-diin ng Pambansang Bae na ang mga negosyo niya ay paghahanda para sa kaniyang future family.

“Kasi hindi naman forever ang showbiz at the same time kailangan mo rin i-secure hindi lang 'yung future mo, 'yung magiging family mo rin at the same time. So, andun na ako ngayon sa long-term planning.”

Abangan mga Kapuso ang nalalapit na guesting ni Alden Richards sa patok na Saturday night sitcom ni Bossing Vic Sotto at Maine Mendoza sa Daddy's Gurl soon on GMA-7!