Around GMA

Article Inside Page

Bigong makakuha ng travel clearance si Kris Aquino para sana sa kanyang medical treatment abroad dahil sa kanyang mataas na blood pressure.

Sinabi ito ng tinaguriang Queen of All Media sa comment niya sa isa sa mga post ni Angel Locsin kamakailan. Nakatakda sanang umalis si Kris patungong Amerika, kung saan mananatili siya ng mahigit isang taon para kanyang medical treatment. Pero dahil mataas ang kanyang blood pressure, hindi pinayagan ang TV host-actress ng kanyang mga doktor na umalis ng bansa.

Sabi ni Kris, "Gel, ikaw kasi, last night sinabi mo na 'sana hindi ka pa makatuloy, Ate…' I said, 'Gel please don't be mean, you know kailangan na talaga' then you said: 'sorry Ate, selfish ako, 'di pa ko ready mag let go,'

"Grabe your gift of I don't know if premonition or pang-awat, true enough nasa airport na si kuya Josh, Bimb and Rochelle. My doctors didn't clear me to travel 140/92 waking [blood pressure], 136/93 pa rin until now… hindi ko kakayanin yung long haul flight.

"Nag asthma attack last night, more than 6 weeks of chronic sinusitis, [sobra-sobra] ang pagkabilib at paglove ko sa 'yo. But please makakadalaw ka naman, 'di ba?”

Nangako naman si Angel na bibisitahin si Kris pagbalik niya galing Cebu.

Tugon ni Angel sa komento ni Kris, "OMG ate sorry! Nandito pa ako sa Cebu ate! Visit kita agad."

Matatandaan na bukod sa kanyang autoimmune disease, nabanggit din ni Kris na na-diagnose siya ng erosive gastritis and gastric ulcer.

Samantala, narito ang ilang pang health scare na hinarap ni Kris Aquino: