Around GMA

Article Inside Page

Masayang ibinahagi ni It's Showtime host Ryan Bang na nakilala na ng kanyang mga magulang ang girlfriend niya.

Related content: Jhong Hilario, may payo para kay Ryan Bang tungkol sa relasyon

Ayon sa host-comedian, siya ay umuwi sa Korea matapos ang dalawang taon at nakasama ni Ryan ang kanyang mga magulang, na aniya'y matagal nang hiwalay.

“[Umuwi ako sa Korea] after two years. 'Di ba separate 'yung magulang ko noong elementary ako? Nag-lunch kami. 'Yung mommy ko, [after] 10 years, nagkita sila ng daddy ko, mainit ulo pa rin mommy ko,” kuwento niya.

Ipinakilala na rin ng Korean host at comedian ang girlfriend niya sa kanyang mga magulang at nagsilbing translator pa ito.

Patuloy niya, “Pinakilala ko sa magulang ko ['yung] girlfriend ko. 'Yung mommy ko kasi hindi marunong [ng] English, Tagalog kaya hindi sila magkaintindihan.

“Kaya para akong nasa trabaho pa rin. Translate ako nang translate hindi ako makakain.”

Dagdag pa ni Ryan na sobrang masaya ang nanay niya para sa kanya.

Matatandaan na noong Agosto ay inanunsyo ni Ryan sa It's Showtime na mayroon na siyang girlfriend.

Subaybayan si Ryan sa It's Showtime tuwing Lunes hanggang Biyernes, 12 noon, at Sabado sa oras na 11:30 a.m. sa GTV.