Asawa ni Donita Rose na si Felson Palad ipinaliwanag bakit nanatiling virgin hanggang maikasal
Photo Inside Page
Photos
Naging usap-usapan kamakailan ang naging interview ng dating aktres na si Donita Rose sa Fast Talk with Boy Abunda. Sa kanyang interview, inilahad niya na nanatiling virgin ang asawang si Felson Palad hanggang sa bago sila ikasal.
Ayon kay Donita, pinagdasal niya daw ito kung kaya't itinuturing niya si Felson na “answered prayer.”
Dahil marami nang natatanggap si Felson na mensahe ng magkahalong paghanga at pag-aalala, at minsan, pangungutya sa naging interview ng asawa, minabuti nitong i-address ito sa isang Instagram post na tinawag niyang 'The Virgin Husband.'
“My wife and I firmly believe that she articulated her thoughts appropriately for the occasion. We view this as an opportunity to share the gospel and the goodness of God through our personal testimonies, especially targeting the younger generation,” sulat ni Felson sa kaniyang post.
Kinumpirma niyang virgin pa siya noong makasal sila ni Donita, ngunit hindi niya layunin na patunayan ang katotohanan nito. Sa halip, mas gusto niyang ipakita ang pag-iingat niya sa importansiya ng pagpapakasal.
Dagdag pa niya na nakausap na rin nila ng kaniyang asawa ang ilang simbahan at nakakuha ng pagsangayon ng mga pastor para ikuwento ang kanilang love story.
“We firmly believe in educating the youth about the sacred and blessed nature of sex within the confines of marriage, recognizing it as a divine gift,” sabi niya.
BALIKAN ANG KASAL NINA DONITA AT FELSON SA CALIFORNIA SA GALLERY NA ITO:
Hiling ni Felson na kung hindi kumportable ang mga tao sa sinabi ng kaniyang asawa ay iwasan na lang ng mga ito na magbigay ng kritisismo at sinabing hindi layunin ni Donita na ipahiya siya.
“She spoke the truth and depicted our marriage and faith in God with integrity. Our ultimate aspiration is for others to witness the faithfulness of God in our lives. God Bless Everyone.”
Tingnan ang post ni Felson dito:
Samanatala silipin ang mga celebrities na piniling mag-abstain sa premarital sex sa gallery na ito:
