LOOK: Bea Alonzo enjoys her vacation in L.A.
Photo Inside Page
Photos
Bago sumabak sa trabaho bilang Kapuso, binanggit na ni Bea Alonzo sa mga nakaraang interview na plano niyang magbakasyon sa Amerika.
Naging opisyal na Kapuso ang aktres noong July 1 at kamakailan lamang ay inimbita niya sa kanyang farm sa Zambales ang broadcast journalist na si Jessica Soho.
Noong July 9, lumipad papuntang Los Angeles, California, ang bagong Kapuso star at hindi niya nalilimutang ibahagi rin ang trip sa kanyang followers sa Instagram.
Unang araw pa lamang sa Los Angeles ay ibinahagi na ni Bea sa kanyang Instagram stories ang morning view ng siyudad at ang pagbisita niya sa taco restaurant.
May napansin din ng aktres sa kasalukuyang lagay ng pamumuhay sa California dahil parang normal na ang lahat doon at halos hindi na nagsusuot ng face masks ang mga tao.
"I just realized how much I have missed traveling and trying out new restaurants. Parang normal ma lahat dito. Most people [if not all] don't wear masks anymore. Most of them are already vaccinated na kase," pagbabahagi ni Bea.
"I can't help but think of home. I pray na sana magkaroon rin tayo ng ganitong sense of normalcy. Pero ingat pa rin po tayo dahil my new variants na naman (kaya lagi pa rin akong naka-mask). Sending you love from this side of the world," dagdag pa nito.
Narito ang ilan pa sa mga aktibidad na ginawa ni Bea sa California:
