Relationship
Aiai Delas Alas is now officially divorced from Gerald Sibayan
Photo Inside Page
Photos
Officially single na ulit si Aiai Delas Alas matapos niyang ianunsyo na legal nang napawalang bisa ang kasal nila ng dati niyang asawa na si Gerald Sibayan.
"Re starting my life ... reboot ..Opisyal na akong single.", sulat ni Aiai sa kanyang Instagram post ngayong Martes, March 10.
Ayon sa report ng PEP.ph, natanggap na ng aktres noong Marso 9, 2026 ang kopya ng desisyon ng Superior Court of California, County of San Joaquin, tungkol sa diborsyo na inihain niya noong Marso 2025.
Sa ngayon, moving on na si Aiai matapos ang pitong taon nilang pagsasama bilang mag-asawa. Hiwalay na sila ni Gerald noon pang October 2024.
Patuloy ni Aiai, "Isang bagong simula, isang mas mabuting ako ang hinaharap..
"To God be all the glory and honor .....masaya ako kasi single na 'ko. Malungkot ako kasi bumitaw ako sa pangako sa harap ng Panginoon. Wala na kasi akong kakapitan kasi bumitaw na yung isa.. sorry po Lord bumitaw ako sa sinumpaan ko".
Inihayag ni Aiai na binawi niya ang Petition for Alien Relative na dati niyang inihain para kay Gerald sa U.S. Citizenship and Immigration Services.
Ang paghahain niya ng diborsyo ay bahagi rin ng kanyang hakbang upang mapawalang-bisa ang green card ni Gerald. Ayon sa aktres, nadiskubre niya ang pagkakaroon ng third party sa kanilang relasyon, na isa sa mga dahilan ng kanyang desisyon.
Samantala, silipin sa gallery na ito ang mga Filipino celebrities na naghiwalay na noong 2025.
