Ilang pagdiriwang at 'di magagandang balita ang pinag-usapan ngayong linggo (July 11 to 17) sa social media. Silipin ang mga ito.
Nitong July 13, ginanap ang press conference pinakaaabangang telefantasya ng GMA, ang 'Encantadia'. Abangan ang pagsisimula nito bukas, July 18, sa GMA Telebabad.
Isa sa mga pinag-usapan sa press conference ng 'Encantadia' ay ang pagdalo ng aktor na si Conan Stevens o mas kilala bilang "The Mountain" sa American series na 'Game of Thrones'.
Nitong July 11, pinangalanan ang mga artista na parte ng Yes Magazine's "Most Beautiful Stars of 2016".
Pinag-usapan rin ang nakakakilig na cover nina Alden Richards at Maine Mendoza para sa Yes Magazine's 'Most Beautiful Stars of 2016'. Ang phenomenal loveteam ang pinangalanang most beautiful stars ngayong taon.
Dinumog ng mga Aldub supporters at celebrities ang premiere night ng 'Imagine You & Me' na pinagbibidahan nina Alden Richards at Maine Mendoza nitong July 12.
Sa unang araw palang ng 'Imagine You & Me,' mahigit 21M pesos ang kinita nito sa takilya.
Nitong Linggo (July 17), pinarangalan ng GMA Records si Alden Richards ng 7x platinum award para sa kanyang album na 'Wish I May'. Ito ay iginawad kay Alden sa 'Sunday PinaSaya.'
Nitong July 13, inamin ni Buboy Villar na nagsasama na sila ng American girlfriend na si Angillyn Serrano Gorens. Tanggap na umano ito ng kanilang mga pamilya dahil parehong 18 years old na sina Buboy at Angillyn. Ilang araw matapos ibalita ito, ipinaalam nina Buboy at Angillyn na engaged na sila sa kanilang social media accounts.
Ibinahagi ni Donita Rose na hiwalay na sila ng kanyang asawa na si Eric Villarama. Ito ay nag-ugat umano sa nakita niyang litrato ni Eric sa Instagram account kasama ang isang hindi kilalang babae.
"All glory to God for my 3 beautiful daughters!", ito ang naging pahayag ni Cesar Montano nang muli silang magkaharap ng kanyang mga anak na sina Angelina, Samantha, at Chesca. Ito ay nangyari umano sa birthday dinner ni Sunshine at nagkataong nasa parehong lugar rin si Cesar.
Sinagot ng mag-inang sina Sunshine Cruz at Angelina Montano ang kumakalat na balitang hindi anak ni Cesar Montano si Chesca Montano. Ito ay matapang na sinagot nina Sunshine at Angelina sa kanilang Twitter account nitong July 13.
Nitong Sabado (July 16), nagkaroon ng pagdiriwang para sa 1st anniversary ng Aldub.