Andre Paras on his relationship with Honey Escarez: "I date to marry"
Photo Inside Page
Photos
Noong Mayo, ipinakilala na ni Andre Paras sa kanyang fans, followers, at celebrity friends ang kanyang girlfriend na si Honey Escarez.
Ilang larawan ang ibinabahagi niya ngayon sa kanyang Instagram account, kung saan kapansin-pansin na talaga namang in love si Andrea kay Honey.
Sa set ng GMA's top-rating series na Abot-Kamay Na Pangarap, nagsalita ang aktor tungkol sa kanyang love life.
Nang makipagkulitan sina Jeff Moses at Raheel Bhyria kay Andre, napag-usapan nila ang karakter ng huli sa trending na medical drama series.
Kasunod nito, isang maikli ngunit sweet na linya naman tungkol sa buhay pag-ibig ang binitawan ni Andre.
Pagbabahagi niya, “All I can say right now, I want to keep it short, simple, and straight to the point. I don't just date, I date to marry.”
Nang marinig ito, labis na kinilig sina Jeff at Raheel sa seryosong banat ng kanilang co-star.
Samantala, kasalukuyang napapanood si Andre sa serye bilang si Doc Luke, isa sa mga kaibigang doktor ni Doc Analyn (Jillian Ward).
RELATED CONTENT: 'Abot-Kamay Na Pangarap' male doctors who will make your heart flutter
Patuloy na subaybayan si Andre sa Abot-Kamay Na Pangarap, mapapanood tuwing Lunes hanggang Sabado, 2:30 p.m., sa GMA Afternoon Prime.
Maaari ring mapanood ang programa online via Kapuso Stream.
Kumusta kaya ang lagay ng puso ngayon ni Andre Paras? Silipin sa gallery na ito ang kilig moments nina Andre at Honey:
