Ipinagdiriwang ng hit teen-oriented '90s show na “T.G.I.S.” ang kanilang 29th anniversary. Kaya naman nag-post ang isa sa mga lead star nito na si Angelu De Leon ng isang throwback picture para ipagdiwang ang milestone ng programa.
Sa Instagram, pinost ni Angelu ang litrato nila nina Bobby Andrews, Raven Villanueva, Onemig Bondoc, Red Sternberg, at Michael John Flores suot ang kanilang “T.G.I.S.” shirts.
“29! Thank God It's Sabado” caption ni Angelu sa kaniyang post.
Dagdag ng aktres sa kaniyang post, “Group hug.”
Naging sentimental naman ang ilang netziens na inalala sa comments section ang panahong pinapanood pa nila ang teen-oriented show.
Sabi ng isa, “Omg my favorite afternoon series in the nineties Solid T.G.I.S Peachy Wacks Forever.”
“Ang kabataan ko!!! Di kompleto ang sabado pag di nakapanood ng TGIS. ” sabi naman ng isa pa.
Samantala, ilang fans naman ang umaasa at humihiling na mag-reunion ang cast.
Isa sa mga pinaka-iconic sa palabas noong '90s ay ang teen-oriented show na 'T.G.I.S.' o 'Thank God It's Sabado.' Unang ipinalabas noong 1995 at nagtapos noong 1999, ang show ay tungkol sa pagresolba ng mga ordinaryong teenagers ng kanilang mga pang araw-araw na problema.
Ilan sa mga hinahangaan ngayong mga celebrity ay nagsimula at nakilala sa teen-oriented show katulad nina Dingdong Dantes, Anne Curtis, Bobby Andrews, Angelu De Leon, at marami pang iba.
Nagsimula ang 'T.G.I.S.' sa 11 teen stars noon, hanggang sa nadagdagan at napalitan ang mga bumida sa show. Ngayon, nasaan na nga ba ang mga bida nito? Tingnan sa gallery na ito:
Gumanap bilang si Iñaki Torres ang Kapuso Primetime King na si Dingdong Dantes sa serye. Sa isang interview, inamin niyang naging biggest break niya ang 'T.G.I.S.'
Ngayon ay happily married na si Dingdong sa kaniyang loving wife na si Marian Rivera, at meron na ring dalawang anak, sina Zia at Sixto.
Patuloy pa rin sa pag-arte at pag-host ang Kapuso Primetime King at sa katunayan, kailan lang ay tinanghal siyang Best Actor sa nagdaang Manila International Film Festival.
Gumanap naman bilang si Cristina "Cris" De Guzman ang aktres na si Raven Villanueva sa teen-oriented show.
Nagpatuloy pa si Raven sa kaniyang karera bilang isang aktres pagkatapos ng 'T.G.I.S' ngunit noong 1998, matapos ikasal sa aktor at news anchor na si Diego Castro III, ay lumipad na siya papuntang U.S.
Naghiwalay sina Raven Villanueva at Diego Castro at ngayon ay kasal na sa isang American minister former actress. Meron silang anak na lalaki at ang anak niya kay Diego na si Claire Castro ay isa na ring Sparkle artist.
Isa si Onemig Bondoc sa mga unang cast member ng show at gumanap siya bilang si Jose Mari "JM" Rodriguez.
Bukod sa pagiging abala sa kaniyang negosyo, abala rin si Onemig Bondoc bilang isang family man sa kaniyang mga anak at asawa.
Ginampanan ni Red Sternberg ang role ni Francisco Martin "Kiko" Arboleda De Dios sa 'T.G.I.S.'
Naka-base na ngayon sa U.S. si Red kasama ang kaniyang asawa at dalawang anak.
Kasama rin si Michael Flores sa naunang batch ng 'T.G.I.S.' at gumanap bilang si Miguel "Mickey" Ledesma.
Ipinagpatuloy pa rin ni Michael Flores ang pag-arte at katunayan, kasama siya ngayon sa action-drama series na 'Black Rider'. Bago ito, naging parte rin siya ng Afternoon Prime series na 'The Missing Husband'.
Kung wala siya sa taping, kasama naman niya ang kaniyang pamilya, ang asawa at dating beauty queen na si Nina Ricci Alagao, at tatlo nilang anak.
Gumanap naman bilang Beatrice "Bea" Santillan ang aktres na si Bernadette Allyson sa teen-oriented show.
Kasal na si Bernadette Allyson sa kapwa actor na si Gary Estrada, at meron silang tatlong anak. Lumalabas pa rin paminsan-minsan si Bernadette sa mga serye at sa katunayan, ay naging parte siya ng hit revenge drama series na 'Makiling'.
Ginampanan ni Rica Peralejo ang role ni Michelle "Mitch" Ferrer na naging kapareha ng karakter ni Red Sternberg na si Kiko.
Ipinagpatuloy pa ni Rica ang kaniyang acting career at lumabas pa sa ilang pelikula at serye sa telibisyon. Kalaunan ay iniwan rin niya ang showbiz kasama ang kaniyang pamilya: ang asawang si Joseph "Joe" Bonifacio na isang pastor, at dalawa nilang anak.
Kasama rin si Ciara Sotto sa naunang batch sa show. Gumanap siya bilang si Regina "Rain" Abrera.
Ipinagpatuloy pa rin ni Ciarra Sotto ang pag-arte at naging parte pa ng GMA Afternoon Prime series na 'Contessa'. Bukod dito, nag-aral at ngayon ay professional na pole dancer na rin si Ciarra.
Kinasal noong 2010 si Ciara Sotto sa businessman na si Jojo Oconer, ngunit naghiwalay rin kinalaunan. Ngayon ay loving mom siya sa kaniyang anak na lalaki.
Si Sunshine Dizon ang isa sa mga second batch ng artista sa 'T.G.I.S.' at gumanap sa role ni Carla "Calai" Escalante.
Patuloy pa rin sa pag-arte si Sunshine Dizon at isa sa mga pinaka-memorable roles niya ay bilang si Pirena sa 'Encantadia'. Kailan lang ay napanood din siya sa isa pang action-fantasy series na 'Mga Lihim ni Urduja'.
Meron na ring dalawang beautiful kids si Sunshine Dizon.
Isa rin sa mga second batch ng artista si Polo Ravales na gumanap bilang si Inocencio "Ice" Martinez. Nakapareha niya si Sunshine Dizon bilang si Calai.
Kasalukuyan pa ring umaarte si Polo Ravales at parte siya ngayon ng action drama series na 'Black Rider.'
Meron na ring loving family si Polo Ravales kasama ang asawa si Pau Quiza at dalawa nilang anak.
Naging parte rin ng 'T.G.I.S.' ng aktres na si Antoinette Taus. Ginampanan naman niya ang role na Bianca de Jesus.
Lumabas pa sa ilang palikula at serye si Antoinette Taus bago sila magpunta sa U.S. Bumalik siya sa Pilipinas noong 2014 para ipagpatuloy ang kaniyang career. Sa ngayon ay abala siya sa mga humanitarian work.
Naging parte rin ng 'T.G.I.S.' si Dino Guevarra bilang si David
Napangasawa niya ang 'T.G.I.S.' co-star na si Kim delos Santos ngunit kalaunan ay naghiwalay din sila. Ngayon, abala si Dino Guebarra sa kaniyang mga anak at paminsan-minsan, ay lumalabas sa TV.
Isa sa mga huling nakasama sa teen-oriented show ay ang dating aktres na si Kim delos Santos na gumanap bilang si Tere Gonzaga.
Bumida pa sa ilang mga serye at pelikula si Kim delos Santos bago tuluyang iwan ang buhay showbiz. Matagal na siyang naninirahan sa Amerika at isa nang registered nurse at kasama ang kaniyang pamilya.
Nakasama rin sa hit teen-oriented show si Chubi del Rosario na gumanap bilang si Reyster. Isa siya sa batch 3 ng artists na pumasok sa show.
Nagma-manage na ngayon si Chubi ng isang entertainment group para sa mga party at event, at nagpe-perform din kasama nila. Isa na rin siyang Holistic Confidence Coach.
Nakilala si Chantal Umali sa isang commercial, bago naging parte ng 'T.G.I.S.' bilang si Happy.
Isa na ngayong successful yoga insturctor, wife at mom si Chantal Umali.
Parte ng batch 3 ng artists si Anne Curtis na pumasok sa 'T.G.I.S.' kung saan naging kapareha niya si Chubi del Rosario.
Isa pa ring aktres, at ngayon ay TV host si Anne Curtis. Kasal na rin siya kay Erwan Heussaff at meron nang isang anak.
Si Bobby Andrews ang isa sa mga pinakaunang artist na nakasama sa teen-oriented show. Gumanap siya bilang si Joaquin "Wacks" Torres III.
Patuloy pa rin sa pag-arte si Bobby Andrws at sa katunayan, parte siya ngayon ng hit Afternoon Prime series na 'Lilet Matias: Attorney-at-Law'.
Kasabay ni Bobby Andrews ay si Angelu de Leon na naging ka-love team niya sa loob at sa labas ng 'T.G.I.S.' Ginampanan ng aktres ang role ni Maria Patrice "Peachy" Real.
Patuloy pa rin ang acting career ni Angelu de Leon na magiging isa sa cast members sa upcoming historical drama series na 'Pulang Araw'. Bukod pa rito, parte din siya ng Pasig City Council. Masaya rin ang family life ni Angelu kasama ang kaniyang asawa at mga anak.