Photo Inside Page
Photos
Pumunta sa Bacoor Hall of Justice sa Cavite ang komedyante na si Archie Alemania para isumite ang kaniyang counter affidavit laban sa reklamong acts of lasciviousness.
Matatandaang noong October 30, naghain ang aktres at singer na si Rita Daniela ng reklamong acts of lasciviousness laban kay Archie. Naghain ng reklamo si Daniela dahil sa pambabastos umano sa kaniya ni Archie sa isang thanksgiving party. Ayon sa reklamo, nagbitaw ng malalaswang salita ang aktor at puwersahan siyang hinalikan nito.
"She was forced and she was kissed by Archie that time. There was also touching [that] happened like [sa] maseselang bahagi ng katawan like breast was also being touched during that time," pahayag ng abogado ni Rita na si Atty. Marie Glen Abraham-Garduque.
Sa counter affidavit ni Archie, itinatanggi nito ang mga akusasyon ni Rita laban sa kaniya. Nang tanungin siya ng pahayag tungkol sa reklamo, tumanggi muna ito makapanayam ng press.
Naroon din ang abogado ni Rita nang maghain ng counter affidavit si Archie. Ayon sa kaniya, hangga't maari iniiwasan nilang magkita sina Rita at Archie para sa mental health ng kaniyang kliyente.
"Because of the trauma the victim is undergoing psychologically, as her counsel, I also have to protect her mental health. The counsel of Archie is amenable to that," paliwanag ni Atty. Marie Glen.
Sa December 17 nakatakdang magsumite si Rita ng kaniyang sagot sa counter affidavit ni Archie.
SAMANTALA, KILALANIN ANG MGA ARTISTANG BIKTIMA NG SEXUAL HARRASSMENT
